Azərbaycana səyahət

İnsan kəşf etməyə ilk olaraq, öz yaşadığı ölkədən başlamalıdır…

Təbii ki, bu fikir şəxsi fikrimdir, yəni bununla razılaşmaq və ya razılaşmamaq özünüzün verəcəyi bir qərardır. Niyə məhz öz yaşadığı yeri nəzərdə  tutdum buna aydınlıq gətirdikdən sonra Azərbaycandakı səyahətlə bağlı daha detaylı şəkildə davam edəcəm.

Bildiyimiz kimi Azərbaycanda yaşayan Azərbaycanlılar təxminən 10 milyona yaxındır, lakin dünyada isə bu rəqəm 50 milyona yaxın və hətta ondan çox da ola bilər. Və həmin insanlar ilk öncə öz yaşadıqları yeri kəşf etməklə öz səyahətlərinə davam edə bilərlər.

İndi isə Azərbaycana edilən səyahətlər və görüləcək yerlər, gecələmə və təamlar haqqında məlumatlardan bəhs edək. Bildiyimiz kimi Azərbaycan təbiiəti çox gözəl və 9 iqlim qurşağının olduğu bir ölkədir. Paytaxtı Bakı şəhəri olan Azərbaycana səyahət edərkən qarşılaşacağınız mənzərə bəlkədə dünyadakı bir çox şəhərlərini əksini özündə birləşdirdiyini görəcəksiniz.  Azərbaycanda yerli və xarici turistləri özünə cəlb edən şəhərlər və həmin şəhərlərdəki, istirahət yerləri və abidələrdir.

Azərbaycanda turistlərin ən çox ziyarət etdikləri şəhərlər və ən çox baş çəkdikləri yerlər:

Bakı. İçəri şəhər (Qız Qalası, Şirvanşah Sarayı),  Bakı Bulvarı, Funikulyor və Alov Qüllələri, (Əbədi Məşəl)  Heydər Əliyev adına Mədəniyyət Mərkəzi, Xalça Muzeyi, Qobustan qayaüstü rəsmlər və palçıq vulkanları, Nizami küçəsi.

Gəncə. Nizami Məqbərəsi, Xan Bağı, İmamzadə türbəsi, Alman Lüteran türbəsi, Gəncə qalası, Göygöl.

Şəki. Şəki Xan sarayı, Marxal, Kiş Alban Məbədi, Tarix Muzeyi, Karvansaray.

Quba və Qusar (Şahdağ və yaxın kəndlərdəki istirahət mərkəzləri)

İsmayıllı (Lahıc)  Qəbələ  (Tufandağ) Lənkəran, Naxçıvan, Naftalan və digər şəhərlərdəki tarixi və istirahət mərkəzləri də bunlara daxildir.

Azərbaycanda qonaqlama əsasən otellərdə 40-50 avrodan başlayan qiymətlərlə qarşılaşacaqsınız. Lakin hostel və airbnb dən istifadə etdiyiniz zaman 5-15 avro arası qiymətlərdə normal bir  hosteldə qala bilərsiniz. Nəqliyyat bu ölkədə çox ucuzdur. İstədiyiniz yerə 10 sentlə (20 qəpik) tək gedişlik gediş haqqı əldə edə bilərsiniz. Ümumilikdə 1 avroya( 2 AZN ) Baku ticket alaraq gün ərzində avtobus və qatardan istifadə edə biləcəksiniz. Yemək üçün normal bir restoranda 5-10 avroya ( 10-20 AZN) istədiyiniz yemekdən yeyə bilərsiniz. Azərbaycanın təamları dünyanın bir çox ölkələri arasında çox məhşurdur. Bunlardan süfrələrin bəzəyi olan “şah plovu”, dolmanı, ləvəngini, pitini dovğanı və digər yeməkləri misal çəkə bilərəm. Bundan başqa paxlava bir neçə şəhərdə öz hazırlanma tərzinə görə fərqlənir. Şəki, Quba, Gəncə və Bakı paxlavası növləri vardır.

Bir sözlə Azərbaycana səyahət etsəniz çox rahatlıqla həm gözəl vaxt keçirə biləcəksiniz. həm də səyahətiniz sizin üçün normal bir məbləğə başa gələcəkdir.

Ənvər Məmmədli

li

Təkbaşına səyahət etməyin görünən və görünməyən cəhətləri

Hər bir insan fərqli bir yaradılışa, fərqli xüsusiyyətlərə sahibdir. Lakin insanlar kimi onların arzu və istəkləri də bəzi hallarda oxşar və fərqli ola bilir.  İnsanların əksəriyyətinin xobbisi olan səyahətin də bir neçə qrupları vardır. Bundan öncəki yazıdan da məlumdur ki, büdcəmizə uyğun səyahət planı çox önəmli faktorlardan biridir. Lakin bunlar bir yana, birçox insan səyahət edərkən hər hansı bir dostunun və yaxud ailəsi ilə birlikdə səyahət etməyi daha çox sevir.  Təbii ki, təkbaşına səyahət etməyi sevən insanlar da vardır. Üçüncü ehtimal olaraq isə hər iki halda səyahətdən zövq almağı bacarır.

İndi isə hər üç ehtimalı nəzərdən keçirək.

Biriləri ilə səyahət. Ailən və ya dostunla səyahət etməyin ən böyük avantajı sizin yanınızda güvənə bildiyiniz kiminsə olmasıdır. Əlbəttə güvən hissinin olması çox önəmli məsələlərdən biridir. Getdiyiniz hər hansı bir qonaqlama etdiyiniz bir yerdə  sərfəli bir qiymətlə qarşılaşacaqsınız. Məsələn dostunuzla hər hansı bir şəhərə səyahət etdiyiniz zaman uyğun bir hosteldə qaldığınz zaman 2 və ya 4 nəfərlik çarpayısı olan bir otaq sifariş edə bilərsiniz və hesabı birlikdə verdiyiniz təqdirdə büdcənizə qənaət etmiş olacaqsınız. Bu tip davranış yemək yediyiniz zaman və başqa əyləncələrdə də davamlı olacaqdır. Hətta nəqliyyatda belə sizin üçün çox uyğun olacaqdır.

Lakin, bu səyahətinizin görünməyən cəhətləri isə təkbaşına edəcəyiniz səyahətin üstün cəhətlərindən olacaqdır.  Görünməyən cəhətlərə gəldikdə isə, sizə bir tövsiyyə etmək istərdim. Səyahət etdiyiniz zaman yalnız güvənilir birisi deyil, həm də sizi çox yaxşı başa düşə bilən birisi olsun. Düşünün, hər hansı bir tarixi yeri ziyarət edirsiniz və siz artıq həmin yerdə qalmaqdan çox sıxılırsınız, lakin yanınzda olduğunuz insanı tək buraxa bilmirsiniz. Bundan əlavə, etdiyiniz səyahətlər əsnasında yeni dostlar tapmaq və onlarla birlikdə vaxt keçirmək ehtimalınız çox azdır.  Hələ birdə başqa bir millətdən olan bir dostunuzla səyahətə çıxırsınızsa, o zaman siz “culture shock” la qarşılaşa bilərsiniz.

Təkbaşına səyahət. Əslində ən çətin anlardan biridir də deyə bilərəm lakin ən əyləncəlisi və həqiqətən çox şey öyrənəcəyiniz bir səyahət olacağı kəsindir. İlk öncə tək olduğunuz üçün siz yeni dostlar tapmaq və onlarla birlikdə vaxt keçirmək istəyəcəksiniz. Əlbəttə bu zaman köməyinizə “couchsurfing” proqramı gələcəkdir. Getdiyiniz hər hansı bir şəhərdə bu proqram vasitəsilə yerli və ya xarici dostlar tapa bilərsiniz. Təkbaşına səyahət sizə daha çox diqqətli, tədbirli, özgüvənli və bütün çətinliklərin öhdəsindən gəlməyi öyrədəcəkdir. Lakin bir şeyi unutmayın etdiyiniz səyahətlər zamanı siz həqiqətən azad bir fərdsiz və tanımadığınız bir ölkədəsiniz, sizin etdiklərinizi qınayacaq bir cəmiyyət olmayacaq. səyahətinizdən zövq almağa çalışın.

Əlbəttə təkbaşına edilən səyahətin çətinlikləri də vardır. Ən önəmlisi hər kəsdən ehtiyyat etməlisiniz. Tanımadığınız bir ölkədəsiniz və yanınızda güvəndiyiniz heç kəs yoxdur. Hər cür insanla qarşılaşa bilərsiniz. Bundan başqa əgər az bir büdcə ilə səyahət edirsinizsə, qonaqlayacağınız hosteldə büdcənizə uyğun otaq tapa bilməsəniz 4, 6 və ya 10 nəfərlik otaqlarda qalmalı olacaqsınız.

Hər iki halda səyahətdən zövq al. Ətrafımızda elə insanlar da vardır ki, hər iki halda səyahət etməkdən zövq alırlar. Onlar üçün ən önəmlisi kim ilə və ya təkbaşna edilən səyahət deyildir. Onlar hər iki halda istədiklərini edə bilirlər. Əlbətdə üzləşdikləri bəzi çətinliklər olur və bunları üstün cəhət halına gətirib öz səyahətlərindən zövq alırlar.

Ümid edirəm siz də hər iki halda səyahətinizdən zövq alarsınız.

Ənvər Məmmədli

li

 

Ən ucuz yolla necə səyahət edə bilərəm?

Günümüzdə insanların bəlkədə yarısından çoxu hobbiləri arasında səyahət etmək olduğunu deyəcəkdir. Bəs bu səyahətləri etmək üçün yetərli büdcəyə sahib olduqlarını düşünürlərmi?

Əlbəttə səyahət etmək üçün ilk öncə ayağımızı yorğanımıza görə uzatmalı olduğumuzu düşünürük. İnternetdə hər hansı bir ölkəyə gedəcəyimiz haqqında məlumatlar araşdırırıq. Otel, təyyarə bileti, qidalanmaq üçün lazım olan qədər pulları hesabladığımız zaman bir çoxumuz həvəsdən düşürük. Hələ birdə gedəcəyimiz ölkənin dilini və ya heç ingilis dilini də bilmiriksə, o zaman vəziyyət həqiqətən acınacaqlı hal ala bilir.  Birdə getdiyimiz ölkədə taksidən istifadə etsək o zaman cibimizdə pul qalmayacaq deməkdir.

Lakin bu yazının məğzi də məhz ucuz yolla necə səyahət edə bilərik olacaqdır. Avropa, Amerika kimi ölkələrdən Azərbaycana gələn bir çox turistlər (tələbələr və ya az bir büdcə ilə səyahət edən şəxslər) Azərbaycana səyahət etməzdən əvvəl Azərbaycanın gəzməli görməli yerlərini, tarixi abidəıəri, ən ucuz harda qala biləcəklərini, nəqliyyat və qidalanmaq üçün lazım olacaq büdcəni hesablayaraq səyahətə çıxırlar. İndi isə sizə bunları başqa ölkələrə getdiyiniz zaman nələrdən istifadə edə bilərsiniz deyə aşağıda qeyd edəcəm.

  1. Xəritə –İlk olaraq gedəcəyiniz ölkənin xəritəsini araşdırın. Gedəcəyiniz yerləri seçin və dəftərinizə qeyd edin. Olacağınız şəhərin görəcəyiniz yerlər arasındakı məsafə və zaman dilimini də hesablasanız, sizin səyahətdə vaxtınızı sərfəli keçirəcəyinizə köməklik edəcəkdir. Getdiyiniz ölkələrdə xəritəyə ehtiyacınız olarsa “maps.me” progrmından istifadə edə bilərsiniz.
  2. Valyuta –Gedəcəyiniz ölkənin valyuta məzənnəsini yoxlayın və getdiyiniz zaman mütləq özünüz hesablama aparın. Avropada Polşa Çexiya kimi ölkələrdə pul dəyişərkən daha diqqətli olun. Panelin altında 22% vergi tutulacağına diqqət edin. Birsözlə hər şeyi hesablamadan pulunuzu dəyişib vərəqi imzalamayın.
  3. Nəqliyyat –Nəqliyyatdan istifadə qaydasını öncədən araşdırın. Bacardıqca taksidən istifadə etməyin, lakin edəcəksəniz də, UBER taksidən istifadə edin. Getdiyiniz şəhərdə 2-3 gün vaxt keçirəcək olsanız, avropa ölkələrinin bir çoxundan 2-3 günlük sərfəli biletlərdən alın. Bu sizə daha ucuza başa gələcək, əks təqdirdə hər dəfə avtobus və qatara minərkən yeni bilet almaq məcburiyyətində olacaqsınız. Avropa ölkələrinə səyahət etdiyiniz zaman şəhərlərarası, ölkələrarası “bla bla car” proqramından istifadə edərək ucuz bir yolla rahat səyahət edə biləcəksiniz.  Yeri gəlmişkən Azərbaycan nəqliyyatına görə dünyada ən ucuz ölkələrdən biridir.
  4. Qonaqlama- Əlbəttə hər insan getdiyi yerdə rahat gecələmək istəyər. Lakin bunun üçün otellərə 100-150 avrodan başlayan qiymətlər vermək məcburiyyətində deyilsiniz. Bunun üçün “booking.com” sayıtından istədiyiniz qiymətə hostellər və “airbnb.com” saytından isə ev kirayə edə bilərsiniz. Əsasən qiymətlər 10-20 avro arası dəyişməkdədir. Lakin əgər bu da sizin üçün çox olarsa pulsuz qalmaq üçün “couchsurfing.com” saytından qeydiyyatdan keçərək özünüzə pulsuz qala biləcəyiniz bir host tapa bilərsiniz.
  5. Qidalanma – Əgər tələbə isəniz qidalanmanın sizin üçün çox da böyük bir problem yaradacağını düşünmürəm. Lakin ümumiyyətlə hər hansı bir xarici ölkəyə səyahət etdiyiniz zaman çalışın həmin ölkənin milli yeməyindən dadın. Gedəcəyiniz restoranlari tripadvisor.com saytından yoxlaya bilərsiniz. Bundan başqa daha çox pul xərcləmədən necə qidalanacağınızı düşünsəniz supermarketlərdən ərzaq alıb hostel və ya evdə özünüz yemək hazırlaya bilərsiniz. Bu sizin üçün ən sərfəli bir seçim olacaqdır.

Bugünə qədər bunları bilmirdinizsə və səyahət etmirdinizsə, elə sabahdan tətil planları qurmağa başlayın. Çünki həyatı doya doya yaşamadığınız təqdirdə heç nəyin bir mənası qalmayacaqdır.

Anvar Mammadli